首先多謝網主Simon, 我查詢嘅時候只係9月份，仲有成兩個月先考，佢都唔介意我未俾錢就開放俾我做住MC 先（當然我都即刻俾錢啦）！ 跟住仲喺WhatsApp有傾有講，有咩唔明佢都樂意解答。
多謝完就梗係分享吓啲讀書心得！雖然都係離唔開努力自己讀幾個字！但係都有少少竅門，希望可以幫到之後讀嗰啲學員！ 我本身就係朋友考完，叫我一齊去考！我就手頭上得一本精讀，當我成本睇完之後，其實只係對要考乜嘢有啲概念，有好多嘢都唔明！於是我就直接試做MD 個mock , 發現好多嘢都唔識!跟住我就直接睇海事處嗰本嘢, 但係因為太多嘅關係, 我直接睇晒佢中間D Q&A, 但係都係好多嘢唔明，中間要不斷睇返精讀同埋海事處本書理解返個問題同答案。就係咁當我明白晒D Q&A 之後，就開始做one take pass D 專題訓練同埋模擬考試! Part A 同part B 模擬考試, 我大約每樣做咗10次咁上下！真係唔可以死背，真係要理解當中嘅意思，你先會考得好（同埋背得到）！因為海事處啲問題同埋答案真係幾tricky , 好多都係反轉嚟問！如果你只係睇過下有啲印象，好多問題你都會答錯！
For 大家reference , 我嘅study time 大約係30-40令個鐘頭咁上下！我最後嘅成績係part A part B 各錯3題
希望幫到大家
(編修者: OneTakeOK Admin-原發表於2021年 11月 16日(週二) 15:31)
